Archive for 2008(e)ko urtarrila

h1

LAMP zerbitzaria Debian-en

2008 urtarrila 31

Gabon guztioi, egun batzuk baneraman ezer ez idatzi gabe, eta gaurko, nire ordenagailuan instalatu berri dudan LAMP zerbitzaria nola jarri azaltzen saiatuko naiz.

Lehendabizi, (eta hau edozer instalatu baino lehen egin beharko zen gauza bat da.) gure sources.list berrituko dugu:

aptitude update

eta orain goazen apache2 zerbitzari bikain hau instalatzera:

aptitude install apache2 apache2-common apache2-utils ssl-cert

Honekin apache2 zerbitzaria instalatuta izango dugu, gogoratu weborriak /var/www/ kokalekuan jarri beharko ditugula.

Orain zerbitzari batek soilik ezertarako balio ez digunez, php5 eta mysql zerbitzaria jarriko ditugu:

php5 instalatzeko:

aptitude install php5 libapache2-mod-php5 php5-common

Honekin berez php gure zerbitzarian funtzionatu beharko luke, horretarako frogatxo hau egin dezakezue:

nano /var/www/info.php

eta bertan hau idatzi:

<?php
infophp();
?>

gorde eta apache zerbitzaria berrabiaraziko dugu:

/etc/init.d/apache2 restart

eta orain zuen nabegatzailean hau probatu: http://localhost/info.php eta ongi egonez gero, php-ri buruz informazio nahiko agertuko zaizue.

Beno orain soilik mysql zerbitzaria jarri eta kitto!

aptitude install mysql-server mysql-client php5-mysql

Pasahitz bat eskatuko dizue instalatzeko garaian, gogoratu jartzen diozuena! mysql zerbitzariaren root pasahitza baita.

eta bukatzeko phpmyadmin instalatuko dugu, gehienbat mysql zerbitzari bat erabiltzeko nire ustez tresnarik errezena baita:

aptitude install phpmyadmin

Hau instalatzean, zein zerbitzari dugun galdetuko digu, horrela autokonfiguratzeko, hor seinalatu apache2 (seinalatzeko espazio tekla erabili) eta listo, gure LAMP zerbitzaria badago prest erabiltzeko!
Bukatu aurretik, berrabiarazi berriro apache zerbitzaria 😉

h1

Nola instalatu Fingerprint Sensor TouchStrip Hatz-marka irakurlea debianen?

2008 urtarrila 26

Ba hori galdetzen dut ni…

Sarean zehar bilatu ta bilatu ostean, erantzun argirik ez dut lortu oraindik, horregatik hor doa galdera, norbaitek zerbait baldin badaki, asko eskertuko nuke gurekin konpartitzen badu, horregatik:

Norbaitek ba al daki nola instalatu Fingerprint Sensor TouchStrip hatz-marka irakurlea debian batean?

mila esker!

h1

Nola instalatu webcam bat debian-en

2008 urtarrila 23

Gabon guztioi, gaurkoan nik nere webcam-a nola instalatu egin nuen azaltzen saiatuko naiz, oso erraza izan zen, uvc driverrak beharko ditugu soilik, eta hau horrela lortzen da: (root bezala)

aptitude install build-essential subversion

Honekin subversion instalatuko dugu, eta orainhau erabiliz, uvc instalatuko dugu:

svn checkout http://svn.berlios.de/svnroot/repos/linux-uvc/

cd linux-uvc/linux-uvc/trunk/

Eta behin dena jaitsita eta trunk direktorioan gaudenean:

make

make install

modprobe uvcvideo

Eta kitto! Iadanik gure webcam-a gure debian kuttunan izango dugu erabiltzeko prest.

Ondo segi!

h1

Multimedia teklatua debian lenny-n

2008 urtarrila 20

Multimedia teklatua duzuten edonori pasako zitzaigun, debian berria instalatu, eta hara! multimedia teklak ez dabiltza! -Baina Windows-ekin erabiltzen ditut! Ezin dira hautsita egon!

Eta egia da, ez daude hautsita, soilik konfiguratzea falta zaie, eta horretara ekingo diogu, horretarako hemendik ateratako informazioaz baliatu naiz.

Jakin behar dugun lehenengo gauza da, teklatu bakoitzan, tekla bat zanpatzean keycode bat bidaltzen diola ordenagailuari, eta honek keycode hori aztertu eta horren harira jokatzen du, horregatik egin behar dugun gauza bakarra gure mutimedia keycodeak zeintzuk diren jakin eta X zerbitzariari esan zer egin behar duen keycode horiek zanpatzean.

Eta gure keycodeak zeintzuk diren jakiteko, xev programa erabiliko dugu, orduan, kontsola ireki eta:

:~$ xev

xev irekitzen denean, teklatua eta xaguarekin egiten dugun oro erregistratzen du, horregatik, tekla multimedia bat zapaldu eta begira zer agertzen den, nire kasuan iexplore tekla zapaltzean hau agertzen da:

KeyPress event, serial 31, synthetic NO, window 0x3200001,
root 0x89, subw 0x0, time 2539765776, (-452,430), root:(226,481),
state 0x0, keycode 178 (keysym 0x1008ff18,
NoSymbol), same_screen YES,
XLookupString gives 0 bytes:
XmbLookupString gives 0 bytes:
XFilterEvent returns: False

Ikusten duzuenez, keycode 178 eta Nosymbol agertzen dira, hau teklaren keycodea eta zer daukan ezarria esaten du, kasu honetan ezer ez. Ba hau nahi ditugun multimedia tekla guztiekin egingo dugu, eta keycodeak apuntatu!

Ondoren, xmodmap erabiliko dugu teklatua konfiguratzeko, programa honek, X-en teklatua momentuan aldatzeko aukera ematen du.

Read the rest of this entry ?

h1

Bluetooth debian lenny-n

2008 urtarrila 18

Gaurkoz, hor betidanik izan duzugun eta jartzen ez genekien bluetooth-a instalatzen ikasiko dugu, eta erraz-erraz gainera, 2 pausotan ia,

beno, root bezala:

aptitude install kdebluetooth bluez-tools

Honekin printzipioz balio du, ireki kdebluetooth eta begiratu ea bluetooth-a aktibatu dugun, (Nire ordenagailuak Fn+F6 teklak zanpatuz aktibatu eta desaktibatzen da)

Eta behin aktibatuta, ba disfrutatzera!

h1

onekript erabili truecrypt erabilpena errazteko

2008 urtarrila 16

Kaixo guztioi, atzo esan bezala, gaur onekript -en bidez truecrypt-erako interfaze bat erabiliko dugu, horretarako, lehendabizi onekript jaitsi behar dugu, eta gorde nahi dugun tokian deskonprimatu.

Gero kommander beharko dugu exekutatzeko, orduan, root bezala:

aptitude install kommander

arazorik egon ez bada, onekript deskonprimatuta daukagun karpetara jo eta bertan root bezala ere:

kmdr-executor onekript.kmdr

eta ia atera beharko zaigu programaren pantaila!

h1

Fitxategiak enkriptatuz gure burua gorde

2008 urtarrila 15

Hemen gabiltzan guztiok izango dugu usb diska bat, “metxero”, “pinganillo”, “pintxo”, “pendrive” eta halako izena dutenak, eta ziur zuei niri bezala behin baino gehiagotan gertatu zaizuela non demontre utzi duzuen ez jakitea, eta aukera txarrenean, inoiz gehiago ez ikustea. Eta zer gertatzen da hau gertatzean? ba aurkitzen duen edonork jakin dezakela ze eramaten zenuten bertan, eta hau ez da oso grabea izango musika edo holakoak soilik eramaten badugu, baina pentsa zure kontu korrontearen datuak, zure kurrikulum osoa, edota laneko edo pribatuak izan behar diren datuak eramaten baditugu… Ze kristo orduan!

Ba hau konpontzeko kriptografia erabili dezakegu, eta honetarako programak egon badaudenez, TrueCrypt aurkeztuko dut gaur.

Programa honekin, fitxategi solteak, diska osoak… enkriptatu daitezke, 3 algoritmo ezberdin erabil ditzake, eta baita hauen arteko batura bat ere, eta niretzako gauzarik interesgarriena, behin martxan edukita, enkriptatutako fitxategia beste disko gogor bat bezala ikus dezakegu, hau da, hasieran “montatu” eta bukatzean “desmontatu” bitartean, beste disko gogor bat bezala trata dezakegu, soilik 1go aldian eskatuko dgu pasahitza, eta windows-linux sistementzako dago eskura, horrela gure enkriptatutako fitxategiak edonon ireki ditzazkegu.

Ta beno, debian-en instalatzeko hurrengo pausuak eman behar dira:

Lehendabizi, kodea jaitsiko dugu

Device Mapper modulua izan behar dugu instalatuta, ez badugu: (root bezala)

aptitude install dmsetup

Orain jaitsitako fitxategia deskonprimatu:

tar -xvzf truecrypt-4.3a-source-code.tar.gz

cd truecrypt-4.3a-source-code/Linux

Eta hemen instalatzen hasiko gara:

Lehendabizi konpilatu:

./build.sh

Eta orain instalatu:

./install.sh

Eta honekin badaukagu instalatuta, bihar ipiniko dut nola sortu fitxategi enkriptatuak eta lortzen badut, nola instalatu programa grafiko bat Truecrypt-erako,

espero dut norbaiti balio izatea, eta badakizue, enkriptatu orain berandu izan baino lehen!

agur!